2. Segura - Mirandaola

Dena ez da gazta Aizkorri-Aratz inguruetan, eta meatzaritza eta burdingintza dira protagonistak etapa honetan. Seguratik gora, Ibilbidetik gertu daude Zeraingo Aizpeako labeak, Burdinaren Mendiko meatzeetatik ateratako minerala lantzeko erabilitakoak, XX. mende hasierako ingeniaritzaren erakusgarriak. Troi erreka ondotik behealdera goaz, Mutiloara. Meatzaritza arrastoak nonahi ageri dira. Aztiriatik jaitsiko gara Legazpi aldera, eta han amaituko dugu etapa, kondairak ezagun egin duen Mirandaolako burdinola historikoan.